«Нохчийчоь: лар йоцу тIом» филмехь шайн махкахь Iедало нахана ден зенаш довзийтарш кхерама кIел бу, аьлла дIахьедина цхьамогIа бакъоларъярхоша.
Оцу юкъанна цара даредо, тIаьххьарчу хенахь дуккха а нохчаша, шайн цIерш а ца лечкъош, Iедалера юьйлу харцонаш Iорайохуш хиларх.
Францойн журналиста Луазо Манонас ша яьккхинчу документалан филмехь тоьшаллаш далийна Нохчийчохь тахана а нах Iедало идош а, хьийзош а хилар гойтуш.
12-за Нохчийчу а йоьдуш, кхаа дийнал дукха цкъа а ца Iаш, къайлах яьккина Луазос «Нохчийчоь: лар йоцу тIом» филм. Европехь тергоне эцна, алссам нах хьовсучех ю филм.
