Туркойчоьно, ша Европан Берта юкъахь яцаре терра, цигарчу мухIажиршна тIех генадаьхна дуьненаюкъарчу хьукматаша кхачош ахча-бохча дацаре терра, кIезиг тергойо цига Нохчийчуьра тIаьххьарчу шина тIамо лаьхкинчу нохчийн.
Я домократехь яхчаелла а, я нийсонан терза, Европехь санна, тIех сема болхбеш а доцчу Туркойчоьнан Iедало ца до мухIажирашна, уьш реза боллуш, шайн махкахь когахIитта накъосталла.
Оцу а, кхечу а бахьанашца бозу цигарчу мухIажирша балхабе баланаш.
Нохчийчохь хьехна а, школан директор лаьттина а ю хIара мухIажир.
Айзигахь боллу дегабаам бу Туркойчоьнан Iедалшка Iелин а, Цо иштта довзийтира шен а, гонахарчу кхечу нохчийн мухIажирийн а хьал.
Нохчийчу юхавоьдийла дац Туркойчохь сецначу Асланан. Ша а, ша санна болу кхин мухIажирш а стенна ца хIуьтту даймахка дIабаха, цо иштта кхетадо.
Туркойчу кхаьчначу нохчашкара хьал иштта ду. Оцу нахе, цIехьа кхойкхуш, дIахьедарш дора лурчаха а, цул хьалха а. Ткъа тахана уьш цIабоьхуш, я бахча, царна баха маршо луш а стагга вац тахана Нохчийчохь. Iаьхча, баьрзо бахьарна кхоьруш, ца Iаьхча, жаIуно берна кхоьруш бисина нохчийн кицано буьйцу Iахар санна, дIаIа тахана мухIажирш. Амма яц церан шайна орца кхочур ду ала меттиг.
