Массо а суьранна тхан беша долий,
Хьозано юх-юха локху цхьа йиш...
Карара сайн къолам охьа а буьллий,
ЛадугIу ас, хуттуш бIаьргаш чу хиш.
Цкъа а цу эшаран дош а ца кхета,
Мел чIогIа ойла йеш, ладегIарх ас.
Амма цхьа ша тайпа гергара хета
Сан дагна, ца кIордош цу иллин аз.
-Алахьа, хIай хьоза,
Юх-юха боху
Хьан хьоме и илли,
ХIун илли ду?
Хьан даим и лекха
Дог хунда догIу,
Суна а и хIунда
Ца кIорда до?
Хьозано, ладоьгIна, элира доцца:
- Сийлахьчу Даймахках и илли ду
Даймехкан иллига шщен безам боцург
Ша винчу махкаца зIе йоцуш ву.
