Айдамиров Абузар
Атта ца хуьлура
Эзар шо хьалха со дуьнен тlе ваьлча,
Тахана ма-дарра, догlура ло.
Цlеххьана цхьа бохам яьlни тlе хиъча,
Атта ца хуьлура дlатакха вуо.
Атта ца хуьлура езнаерг яло
Я доцчу гlоранах тоамаш бан.
Мацалла ца вала, берцан хlу лехьо,
Яйначу тlаьхьенан къамелаш лан…
Пхи бlе шо хьалха со дуьнен тlе ваьлча,
Хьастагlа ма-дарра, догlура луо…
Мел чlогlа ларваларх, хан-зама яьлча,
Шен хеннахь сан керта догlура во.