Буьрса нохчо Терках
Вуьйлу баьхна мур,
Хьан аганчохь техкош,
Карлабаьхна бу.
Изза бен, кхин Iаьмма
ХIума доцуш сох,
БIоца схьатIеIаьнна,
ХьалахIоьтти хьо.
Тергал а ца еш сан
ГIийла инкарло.
Сан маршо а хьаьшна,
Би ахь суна го.
Тешамза йи кетIе,
Шелби ахь сан кхерч,
ЖIар латий сан хье тIе,
Юха ери керт.
Коша вахна гоьллец,
Доцуш орца-гIо,
Харц дуьненах воьлла
Волуш воллу со.
КIайчу гIенийн кхелах
Синойн ловзар гуш,
Тешадо ас Делах
Самаваьлча гург:
Яьсса ю сан пхьоьха,
Яьсса ю сан керт,
Къуьйсуш дIасакхоьхьуш -
ЦIий хуьйдина цIет.
