Венехь доьзалхочух йолчу нохчийн жимачу зудчунна тоьхна полисхочо, яздо Кавказ.Реалиино. Болчу хаамца, ши-кхо де хьалха махкара арабаха хьакъ долу Австрехь беха нах лоьху полицин белхахой чулилхина хилла 25 шо долу нохчийн зуда ехачу хIусаме.
Оьрсийчу дIахьажо Iалашонца, полисхоша лоьхуш хилла цуьнан да-нана. ХIусамах хьожуш бохку уьш новкъарло ян гIоьртина, шен гергарчаьрга телефон тоха гIертачу зудчунна.
Эшам хиллачу зудчо дийцарехь, полицин белхахочо, куьг а лаьцна, пенах тоьхна иза, пIелг а кагбеш. Цул тIаьхьа жима зуда дIакхачийна Венерчу клинике. Цигахь хенал хьалха доьзалхо вина цо.
Австрин чоьхьарчу гIуллакхийн министралло таллам болийна хилларг бахьана долуш.
