Иракъера цIадалийна 30 бер

Шо дара ФСБ-но Иракъера а, Шемара а кавказхой-бойнаш даймахка юхакхачор сацадайтина лаьтта. ХIинца и болх меттахIоттийна, гарехь. 30 бер кхачийна цIа. Оьрсийчоьнан президентан цIарах берийн бакъонийн тергоечу векало Кузнецова Аннас дечу тоьшаллица, тIера дай ДАIИШ-ан могIаршкахь белча, бодисина, Оьрсийчуьра ларалуш 700 гергга бер ду Малхбалехь.