ГIалгIайчохь бехктакхаман гIуллакх долийна Зазадоккху-беттан 26-27-чу деношкахь Магасехь хилла митинг дIасалалла реза ца хиллачу 13 полисхочун дуьхьал.
Цунах лаьцна хаам бина «МБХ медиа» зорбан гIирсо, адвокатана Куриев Мохьмадна тIе а тевжаш. Цо бинчу хаамца, полисхойн гIуллакх къастор ду кхелехь къевлинчу рожехь. Берриг а жоьпе озийначу наха кехат тIе куьг таIийна, цу гIуллакхах лаьцна дIасадуьйцур дац шаьш аьлла.
Болчу хаамца, Марсхьокху-беттан 20-хь суд реза ца хилла цара шаьш балхахь юхаметтахӀоттарах лаьцна бина латкъам листа.
Зазадоккху-беттан 26-27-чу деношкахь митинг хилира Магасехь референдумах лаьцначу меттигерчу низамна тIехь хийцамаш барна дуьхьал (хийцамаш цхьана агIор боьзна бара Нохчийчоьнца доза билгалдоккхуш барт барца).
И акци дIахьош тасадаларш хилира митинган декъашхойн а, Росгвардин эскархойн а. Оцу юкъагIоьртина полицин батальон дIайохийра, митинг дIасалалларна новкъарло ян гIортарна бехке а йина.
