ГIалгIайчохь Несарара республикан клиникан бераш дуьненчу довлучу цIийнна (РКПЦ) лор балхара дIайаьккхина керла дуьненчу даьлла бер деллачул тIаьхьа. Цунах лаьцна хаам бина меттигерчу "Фортанга" зорбано, лоьран цIе а, цуьнан белхан дарж а ца хьахош.
Журналисташ тIетевжина волайнхочун гергарачу зудчунна. Цо бахарехь, дечкен-беттан йуьххьехь лор хьаьжначул тIаьхьа зуда цIа йахийтира, цо шен лахохь гай чохь лазарш ду бохушехь. КIира даьллачул тIаьхьа таллам бича хиира оцу зудчун бер хенал а хьалха дуьненчу дала тарло аьлла, доьзалхочух йерг РКПЦ-чу охьайиллира. Цигахь лоьраша элира, шаьш “остйаларе хьоьжуш ду” аьлла.
Бер дуьненчу делира дечкен-беттан 26-хь, лоьраша дIахьедира, шаьш иза реанимаци дехьадоккхуш ду аьлла, ткъа тIаьхьо хаам бира, иза делла аьлла. “Жижиган йуьхке санна хьоьжура уьш”, - дIахьедина "Фортанге" зен хиллачун марнанас.
Кхин цхьана а хьостера тоьшаллаш кхаьчна дац зорбане даьккхинчух, РКПЦ-хь журналистийн хаттарна жоп ца делира.
- ГIалгIайчуьра урхалло а, могушалла Iалашйаран министралло а дуьхьало йира республикера перинаталан центрехь шаьш бинчу талламах дийца, керла дуьненчу даьлла бер бактерих ун даьлла деллачул тIаьхьа. Дуьхьалойарх Кавказ.Реалиин редакцига хаамбира юристо Келлиматов Беслана. Хьалхо оцу центран лоьраш бехкебора ледарлонашна.
- Черкесскера вахархо Нашев Анзор а, цуьнан гергара нах а хьийза республикан перинаталан центрехь ненан кийрахь бер далар таллийта. Меттигерчу бахархоша бахарехь, бераш дуьненчу дохучу центрехь коррупци йу йаьржина, оцу тIехула бер дан баьхкина зударий къуьйсу, берриш а "цхьаний" бераш дан хьийсабо, "нехан клиентана" гIо а ца до. 2023-чу шеран аьхка йоллу Оьрсийчохь Къилбаседа Кавказан федералан гонашкахь къаьсттина дукха бераш ле дечен-баттера мангал-батте кхаччалц аьлла, билгалделира. Кавказ.Реалии сайто къастийра оцу гайтаман бахьанаш.
- ХIинжа-ГIалара йахархочо бехкебира номер 1 йолчу бераш дуьненчу довлучу дарбан цIийнера лоьраш, церан ледарлонца шен бер делла аьлла. Хилларг паталогица доьзна, кхетийра Iедалхоша, цунна дуьхьало йойла дацара лоьрийн аьлла.
