Оьрсийчоьнан дозанал арахьара нохчийн оппозицин NIYSO телеграм-канало дӀахьедар дира, республикерчу Куьрчала- кӀоштарчу Иласхан-Юьртара вахархо кадыровхоша лачкъийна хиларх лаьцна.
Жигархоша дийцарехь, вуьйцург Ахмадов Адам ву, чоьхьарчу гӀуллакхийн министраллан кIоштан урхаллехь масех динахь лаьцна латтош волу. Кхин дерг хууш дац, Соьлжа-гIалахь комментари ца йо Нохчийчоьнан куьйгалхочун Кадыров Рамзанан критикаша динчу дӀахьедаршна.
Де хьалха, оппозицин 1АДАТ телеграм-каналан авторша дӀахьедира республикехь Идигов Лом-Ӏела лачкъорх лаьцна, Ичкерин хьалхарчу президентан Дудаев Джохаран шичин кIант. И хаам тӀечӀагӀбира Кавказ.Реалиин редакцин хьостано.
Де хьалха жигархоша иштта дийцира дукха хан йоццуш Мисарара Оьрсийчу дӀавелла нохчо Мусаев Юсуп тӀепаза вайна аьлла. 1АДАТ-о дийцарехь, иза а лачкъийна хила тарло кадыровхоша.
- Кху шеран гурахь а, аьхка а масийта стаг лачкъийра Нохчийчохь. Иштта дӀахьедар дина Оьрсийчоьнал арахьарчу Кадыровн критикаша. Цхьаболу нах билггал лечкъийна хилар тӀечӀагӀдира "Мемориалан" хьостанаша а.
