Нохчийчоьнан куьйгалхочун 19 шо долчу йоIа Табарика йиллина "Соьлжа-ГIалин такси" компанина 22 млн соьмана зен хилла 2023-чу шарахь. Иза билгалдаьлла зорбане даьккхинчу бухгалтеран чоьтехь. Шена зенаш а деш оцу фирмо болх бен пхоьалгIа шо а ду.
Кадырова Табарикана фирма дIайеллачул тIаьхьа цунна хуьла пайда лахлуш лаьттара. 2020-2021-чу шерашкахь иза 23 млн дара, 2022-чу шарахь – 19 млн сом хиллехь а, дахначу шарахь иза 15 млн сом дара.
Оцу йукъанна компанин активаш шерачохь жигара лакхайевла - 44%, 107 тIера, 154,5 млн соьме. 15 тIера 88 млн соьмана хьаладаьлла кредитан декхар, муьлхачу банко деллера кредит, стенга хьажийна и ахча, хууш дац.
Бухгалтеран чоьтан зераша гойту, компани ма хуьллу сихха шен Iалашонаш кхочушйан аьтто цахиларх, цо лелош долу гIуллакх зене доьрзу, ткъа йуккъе диллинчу ахчано а, активаша а пайда ца бохьу.
2023-чу шеран бIаьста хаам бира, Нохчийчохь кхузза гергга хьалабевлла мехаш Оьрсийчоьнан "Яндекс" компанин таксино дIасавуьгург боккху мах. Нохчийн оппозицин жигархоша бечу хаамашца, иза доьзна ду меттигерчу таксопаркашца къийсам болу компанешна дуьхьал кадыровхоша дIахьуш йолу рогIера "рейдаш" бахьана долуш. Нохчийчоьнан коьрта гIалахь нах дIасалело уггар йоккха фирма "Соьлжа-ГIалин такси" Кадырова Табарикан долахь нисйелла.
- "Ирс-Груп" компанин уставан 99 процент капитал Кадырован долахь ду. Йохка-эцар а, кхин а 35 тайп-тайпана категореш йу цу компанино лелош - ресторанашна тIера дIайолайелла гIишлошна тIехь урхалла даре кхаччалц.
- Марсхьокху-баттахь Кадырова Табарикца йоьзначу НКО-на грант кхечира бизнесна гIоьнна кхо миллион гергга сом. Грант кхаьчна коммерцица йоьзна йоцчу "Единство" организаци йиллина Межидова Лаура оцу йукъанна "Ирс групп" йиллинчех лоруш а йу.
- Зазадокху-беттан йуьххьехь Нохчийчоьнан урхалхочун йоI Кадыров Табарик хилира "Ирс Групп" компани йиллинарг. Цуьнан карахь йу йукъараллин уставан капиталан 99%. Йохка-эцар а, кхин а 35 тайп-тайпана категореш йу цу компанино лелош - ресторан тIера дIайолайелла гIишлошна тIехь урхалла даре кхаччалц. "Ирс Групп" компанин регистраци чекхйаьлла масех кIира далале йоьллу цо фирма "Берекет" (юстуш йухку сурсаташ), "Альпийские луга" (бепиг, мерза хIума йаттар), "Грозненское такси"(таксхойн болх).
- "Ирс Групп" шен болх шуьйро баржон дагахь йу - (юстуш йухку сурсаташ), оьрсийн а, кхечу пачхьалкхийн а брендашца, франшизашца уьйраш тасар, гостиницийн, ресторанийн бизнес, реклама, йохкар, эцар, хIусамийн аренда а",- элира компанин презентацехь Кадырова Табарика.
- Марсхьокху-баттахь Кадырова Табарикца йоьзначу НКО-на грант кхечира бизнесна гIоьнна кхо миллион гергга сом. Грант кхаьчна коммерцица йоьзна йоцчу "Единство" организаци йиллина Межидова Лаура оцу йукъанна "Ирс групп" йиллинчех лоруш а йу.
- Украинин президенто Зеленский Владимира оханан-беттан 1-хь керла санкцеш йукъайаьхна. Царна йуккъелаьцна цхьаболу Оьрсийчоьнан махкахой а, компанеш а. Цу могIарехь йу Нохчийчоьнан куьйгалхочун 18 шо долу йоI Кадырова Табарик. КадыровгIеран доьзална хIун тIеIаткъам бийр бу цу санкцеша, аьлла хеттарш дийцаредира Кавказ.Реалии сайто эксперташца.
