48 миллион соьмах Соьлжа-ГIалин юккъера Лорсановн урамера иттозза тIекIелйина гIишло лаьцнера нохчийн пачхьалкхан филармонино, цуьнан долахо ю гIоьналлин Кадыров Ахьмадан цIарах регионалан фонд.
Тендеран кехаташ тIехь йаздина ду, 50 квадаратан метар йолу и гIишло дечкен-беттан 30-чуьра схьа дуьйна шарна лоцуш ю аьлла. ХIора шарахь Кадыровн фондо дакъалоцу, ша цхьаъ бен йоцу официалехь йина "госзакупка" ю иза. Оцу тендерехь а цхьа декъашхо ю иза.
2021-чу шарахь юкъараллин организацина 40 миллион сом хилла гIишло аренде йаларх, ткъа стохка шина тендерехь – 20, 28 миллион сом.
Нахаладаьккхинчу кадастран картица а догIуш, филармонихь аренде эцна гIишло – цигахь ю тойнаш хIиттон чоь а – болх бан йолайелла 2021-чу шарахь. Цуьнан кадастрин мах бу 8994 миллион сом.
2021-чу шарахь Кадыров Ахьмадан цIарахчу фондо деклараци тIехь гайтира хилла нолан ял а, юкъара хилла пайда а. 2019-чу шарахь фонде, цуьнан урхаллахоша бахарехь, 6 миллиард сом (цул хьалха 2,2 миллиард) кхаьчнехь а, тIаьххьарчу шина шарахь гойту пайда цахилар.
2019-чу шарахь, цуьнан урхалхойн хаамашца, 6 миллиард сом диллина фонде наха сагIина (кхул хьалха 2,2 миллиард), ткъа тIаьххьарчу шина шарахь ахча кхаьчна дац аьлла гойту. Фондо гайтинчу кехаташца, Iалашонан харжана дайина ахча дац. Оцу юкъанна Украинехь тIом болабелчхьана гIоьналлин фондан ахчанах оьцу кеманаш, бронетранспортераш, тIеман экипировка, иштта гуманитаран гIо дIасадоькъу оккупаци йинчу дозанаш тIехь. Коммерцица йоьзна йоцчу организацино йина чот "тамашен" хета эксперташна.
- США-н финансийн министраллин "Iаьржачу тептаре" язйина Регионалан Кадыров Ахьмадан цIарах йолу фонд "Магнитскийн глобалан актан" буха тIехь.
- Кадыров Ахьмадан цIарахчу фондана масийттаза критика йира, бюджетан белхахошкара бертаза ахчанаш цу юкъа дахкийтарна, амма Кадыровс и бехкаш тIе ца дуьтура. Цул совнах, зорбанан гIирсаша хаамбора фонде ахчанаш кхачар а, дохкар а цIена дац аьлла, Кадыровн "альтернативан казна" ю олура иза.
- Кавказ.Реалиино журналистийн талламца тIечIагIдира, Кадыров Ахьмадан фондо шена тIеяздина хилар къора а, бIаьрса ледара а долчарна лерина интернатан корпусаш, иштта Пионерское эвлахь 120 охьахуу меттиг болу школа а. Ма-дарра аьлча, и белхаш бинера бюджетан чоьтах, пачхьалкххан цIарах оьшург оьцучу сайтехула – тIелецира кхочушъян Грозгражданстрой, ГУП "Орден дружбы народов Чеченское управление строительства им. Исмаилова", ООО "Геострой" компанеша.
- Нохчийчоьнан куьйгалхочун телеграмерчу каналехь ара а хецна, ткъа юха дIаяьккхира Кадыров Ахьмадан цIарахчу фондан, дийцарехь, гуманитаран ду боху гIо кадыровхоша дIасадоькъуш видео. Каналера видео къайлаелира, эксперташа оцу тIера сурсаташ Украинера хиларна тIе тидам бахийтича. Журналистана-талламчана Христо Грозевна хетарехь, Мариуполан бахархошна кадыровхоша лечкъийна сурсаташ декъна хиларан тоьшаллаш ду.
