Оппозицин 1ADAT телеграм-каналан модераторан Тепсуркаев Салманан хIусамнана волайнхо хиларна даре ца дина Соьлжа-гIаларчу кхело. Латкъам "Iазапашна дуьхьал Команда" цхьаьнакхетараллин юристаша чубеллера. Цул хьалха хиллачу цу кеппарчу шина сацамна а Нохчийчуьра лаккхарчу кхелехь латкъамаш бира.
"Бахьанаш хьалхалерчу сацамашкахь хилларш ду. Амма Лаккхарчу кхело билгалдаьхна кхачамбацарш хьалхарчу инстанцино ца лору",- Кавказ. Реалии корреспонденте дийцира "Iазапашна дуьхьал Команда" цхьаьнакхетараллин юристо Веретенников Романа.
Къамелахочо билгалдаьккхира, цу сацамна шаьш йуха апелляци чулург хилар. Цигахь кIоштарчу кхело бина болх, царна шайн сацамашкахь хийцамаш бан цалаар тидаме лоцур ду. Шайн сацамашна Елизаветина цхьа бахьана ца далош.
2020-чу шеран гезгамашин-беттан 6-чохь Геленджикехь лачкъийра Тепсуркаев Салман, шаьш МВД-н белхахой ду аьллачу наха. ТIаьхьо гергарчийн аьтто белира Тепсуркаевн телефон Кадыров Ахьмадан цIарахчу полицин полкан Соьлжа-ГIаларчу декъа тIехь йуйла хаа. 2022-чу шеран марсхьокху-беттан 23-чу дийне кхаччалц зорбанан гIирсаша а, бакъонашларйархоша а лачкъийна олий хьахавора Тепсуркаев. "Iазапашна дуьхьалойаран Командин" бакъонашларйархочо Садовская Ольгас жимстаг вийна аьллачул тIаьхьа хийцаделира иза. Амма цул совнах хиллачух цо хIумма ца дийцира.
- Марсхьокху-баттахь "Iазапашна дуьхьалойаран Командин" юристо Садовская Ольгас Тепсуркаев Салман кхалхарах хаамбира. Цул тIаьхьа иза бакъдира оппозицхойн 1ADAT боламан векалша а. Цуьнан кхалхарах шайна хуурш гIарадехира цара. ТIаьхьо Оьрсийчоьнан парламентехь Нохчийчуьра векал волу Делимханов Адам жигархо верна бехкевира.
- 2021-чу шеран гIадужу-баттахь Европерчу адамийн бакъонашкахула йолчу кхело бакъдира, Тепсуркаев бакъо йоцуш "нохчийн регистрацин номерш йолчу Toyota Camry машенашкахь нохчийн полицин Iаьржа духар доьхначу кхаа-пхеа стагах лаьттачу тобано" лачкъийна хилар.
- Садовскаян дIахьедаран Кавказ.Реалии сайто тергойинчул тIаьхьа, 1АДАТ боламо тIечIагIдира Тепсуркаев вийна хилар. Нохчийн оппозиционераша бехкевира цунна Кадыров Рамзанан уллорниг, Оьрсийчоьнан парламентан депутат Делимханов Адам а, Нохчийчуьра Росгвардин урхаллин хьаькам, цуьнан ваша Шарип а. Цхьанна а кепара и тIечIагIдарш зорбане даьхна дац.
