Украинерчу тIамехь дакъалаьцначу 51-нна Нохчийчоьнан турпалхочун цIе йелла Гуьмсан кIоштахь – кхелхинчул тIаьхьа. СовгIаташ диначарлахь бу, хьалхо баларх хууш цахилларш а цхьаьна
КIоштан куьйгалхочо инстаграме хIоттийначу, барам дIахьочохь йаьккхинчу видео тIехь турпалхочун цIераш луш тоьшаллин кехаташ дIакхачийна тIамехь байинчу эскархойн гергарчаьрга а, доттагIашка а. Церан цIенош тIе туьйхира цул тIаьхьа, кху чохь ваьхна мехкан турпалхо аьлла аннаш, къонаха дош тIе а йаздеш.
Ролика тIехь кхо у ду гойтуш: Махаев Хьамзат, Дакаев Ислам, Алатаев Бадруди. Украинерчу тIамехь цара дакъалацарх а, тIаьххьара Гуьмса кIоштара ши вахархо кхелхина хиларх а хьалхо хууш дацара.
Махаев Хьамзат валарх дийцира стохка марсхьокху-баттахь, иштта кIоштан администрацин чоьтехула. ХIетахь Махаевна а, цуьнан йалх йуьртахочунна а Доьналлин орденаш йелира беллачул тIаьхьа. И омра куьйгайаздина лоруш ду 2023-чу шеран зазадокху-беттан 23-чохь. Махаев кхин а хьалхе вийна нисло тIаккха.
Кремло а санна, Украинана дуьхьал бечу тIамехь беллачех лаьцна къайлахьо Нохчийчоьнан Iедалхоша а. Оьрсийчоь шуьйрачу тIамаца Украине чуйахчхьана Кавказ.Реалии сайто шен тептар долийра, оцу тIамехь леш болчу салтих лаьцна цIерашца дуьйцуш. Хаамаш схьаоьцура йиллинчу хьасташкара а, социалан машанашкара а, зорбанан гIирсашкара а. Зазадокху-беттан 18-чохь динчу лараршца, хIинцале а 7 эзар стагел а тIехъиккхина тептар. Билггал кхин а лакхара хила тарло и терахь а.
- Регионалан Кадыров Ахьмадан цIарахчу йукъараллин фондера 2023-чу шарахь йовзийтинчу деклараци тIехь финансийн гайтамаш лахбалар гайтина. Цу тIе, мехкан Iедалхоша бахарехь, Украинаца болийначу тIамана дайъина цара 31,2 миллиард сом – фондан активел а пхоьазза лакхара ду и терахь.
- Нохчийчохь мобилизаци йина хиллачу Шебедиев Iелина арахь йаккха хан тоьхна, Украине тIамтIе ваха дуьхьало йарна – буьйраллин омра кхочуш ца дина цо. Къилбан гонашкара тIеман кхело сацам тIечIагIбинчул тIаьхьа дийца даьккхира цунах лаьцна.
- Йоллу пачхьалкхера гулбеш бу "Север-Ахмат" полке "лаамхой", ткъа Нохчийчохь бертаза йукхаийзабо уьш: оцу гIуллакхана лоьцу адамаш кеп-кепарчу бахьанашца, кхерамаш туьйсу бехкзуламан гIуллакхаш дуьхьал дохур ду, йа ницкъбийр бу бохуш, билгалдаьккхира бакъоларйархоша.
