Болгарино шен махкахула чекхъяла еза оьрсийн газан биргIа хIоттор (Южный поток – Къилбенан Iаьс) сацорцана, ша изза до шен лаьтта тIехь а, аьлла, даржийна Сербино а.
Цигарчу Iедалан ден гIовса, энергетикан министра Михайлович Зорана хаам бина, Болгарино а, Европан Берто а юкъахь сацамаш баллалц, Украина юьстах а юьтуш Оьрсийчуьра схьа юьллуш йолу биргIа йогIар шаьш а сацадо, аьлла.
Амма ИТАР-ТАСС агенталло даладо Сербин премьер-министран Вучич Александран дешнаш, цкъачунна официалехь бина сацам бац, аьлла цо. Ткъа Болгарино биргIа яр ша сацадо алар тIечIагIдира кIирандийнахь цигарчу Iедалан гIантдас Орешански Пламена.