Дуккха а шераш девлла Оьрсийчоьнан президенташа шайна пачхьалкхехь коррупци юйла а хаьа, иза шаьш хIаллак а йийр ю аьлла, халкъана дош делла.
Къасттина бехира иза Медведевс ша цхьана ханна президентан дарже хиича.
Дуккха а низамаш а арахецна кхаьънаш оьцурш, халкъе хаттаза, цуьнан кисина боьлхучийн куьйгаш дацдо бохуш.
Амма Оьрсийчохь къола динчун куьйгаш дохуш хилча, дуккха а дукха шаьш тоьлла хета кура нах хир бара кхидIа я ахча дагардан а, я кхаъ схьаэца а йиш йоьхна.
Оьрсийчуьрчу низамхоша, статисташа, тергамчаша тоьшаллаш а деш, ткъа шо, итт шо хьалха а санна, барамашкахь лакхадаьллеххьий бен, лах ца делла дечу къоланийн терахьаш а, барамаш а. Даима а санна, ког баькк-баьккхинчохь ву вахархо кхаъ бала декхаре а.
Соьлжа-ГIаларчу банкан белхахочо Берсанукаева ПетIамата дийцира Маршо Радиога, коррупци ю Нохчийчохь, амма шена адамийн шайн бехк хета, шайгара ца догIу соьмаш Iедалан гIенташкахь Iечу нахана кхийдорна, аьлла.
Берсанукаева:
Your browser doesn’t support HTML5
"Ког баькх-баьккхинчехь дала деза ахча"
Муха эшор ю и цамгар? Я баккъал а доьзна ду-те и адамашна, Iедалан низаме диллича, шайн бакъонаш а, декхарш а кIеззиг хаарца? Коррупци яьржина массанхьа а: берийн бошмашкахь, школехь, больницашкахь, кIоштийн, яртийн урхаллашкахь, хьукматашкахь.
Ур-атталла, нехаш йохуш, урамашкахь къахьоьгучарна а хаьа шайн бакъонаш, девза низамаш, хаьа юкъарчу дахарехь хIун лелон мега, ца мега. Амма нах и дерриг а ца хуурш а хилла беха, шайн, «йогIург» дIа ца елча, хIумма а нислур доцийла а хууш, боху Шелахь ехачу боккхачу доьзалан нанас Батаева Заргана.
Батаева:
Your browser doesn’t support HTML5
"Тоьлур воцу тIом бу коррупцица къийсавалар"
Дуккха а зама ю Оьрсийчохь пачхьалкхан Думано коррупцина дуьхьалоеш тайп-тайпана низамаш доху, амма, тодлла хьелаш дац тахна а.
Кхуьуш ю коррупци, де дийне мел дели алссам зIидигаш а тосуш. Цуьнан орам, Маршо Радиоца къамел динчу Атабаев Мохьмдана хетарехь, хIаллакбан ницкъ а тоьар бац.
Атабаев:
Your browser doesn’t support HTML5
"Дахар а къахьдо кхаьънаш леларо"
Нохчийчохь лелаш цхьа забар ю.
Европе дIавахана веха цхьа кIант хилла, боху, цIаван сахьаьвзина, шен дега телефон етташ. Дас элира боху: варийлахь, варийлахь, сан кIант! Хьо вала а волуш, цIа ма волалахь! Вайн цIахь нах бууш адам даьржина. Могашверг – налогаша вууш, цомгашниг - льраша, велларг - молланаша!
Ткъа муха иэшор ю коррупци, пачхьалкхо арахоьцу конверташ а ахчанан барамехь деш хилча?!
Шайн гIаддарна, иштта шайн бегаш а беш, дIабеха нохчий коррупцин лоллехь, ерриг а Оьрсийчоьне эшалуш доцу и зулам эшон шайн ницкъ муххале а кхочурбоцийла а хууш.