Полицино бахарехь, 50 эзар стага дакъалаьцна Соьлж-ГIалахь "террорна духьалояран гулам" цIетоьхначу барамехь. Гулам Iедало вовшахтоьхна а, иза ша гIаттамхойн гергарчарна бен тIеIаткъам нахе къобалбайта а лууш хIоттийнера боху тергамхоша массех зорбан хьостанехула, масала, «Кавказан Узел» агенталлехула.
Гуламхойн карахь хилла «Каляпин цIехьа гIо» бохучу йозанашца ингалсан маттахь язйина а, кхийолу а банерш. ГIаттамхойн гергарчеран цIенош дагор, царна гIелояр кху деношкахь емалдеш волу бакъоларъярхо Каляпин Игорь оцу кепехь дакъазаваккха лерина ю Кадыровн режим, яздо газеташа.