Арсанукаев Шайхи. Лакхенан гIиллакх

Арсанукаев Шайхи. Лакхенан гIиллакх

Арсанукаев Шайхи

Лакхенан гIиллакх

Льамнийн а ду гIиллакх шайн -
Халачу лакхенан гIиллакх.
Лакхе ахь ца яккхахь хьайн,
Кху лаьмнийн воI хьо ца хилла-кх.

Лаьмнийн а ду гIиллакх шайн -
Курачу лакхенан гIиллакх.
Лакхе юхIораннан шен
Дош олуш,деш муьлхха гIуллакх.

Кура ду сан лаьмнийн дог -
Осалла йо кхузахь сийсаз.
Воккхачун пусар вай до,
Кхерчан са - нана ю сийлахь.

Лаьмнийн а ду гIиллакх шайн -
ЦIеначу лакхенан гйллакх.
Лаьмнашкахь цхьа лаьтташ ша
Лекха лам цкъа а ца хилла-кх.

ЦIена ду сан лаьмнийн дог,
Дуккхаъчу къаьмнех бу доьзал,
Уллохь кхин стаг воцу стаг -
Лаьмнашкахь вовр ву-кха доьза.

Лаьмнийн а ду гIиллакх шайн -
Сийлахьчу лакхенан гIиллакх.
Стаг, нагахь стаг велахь ша,
Байракхах сий айдеш хилда-кх!