Ахматова Раиса. Наб кхетац ехачу буса

Ахматова Раиса. Наб кхетац ехачу буса

Наб кхетац ехачу буса

Ахматова Раиса.

Наб кхетац ехачу буса,

Седане наб йоьху аса.

Сох къа а хетта, цо суна

Безаме хичаш йо лакхахь.

Бовзачу новкъа со йоьду,

Юьртана йолу со генна.

ТIулгашна юккъехь цхьа шовда

Дистхуьлу, дош олуш хьоме.

ГIоьнна со кхайкхира хьоьга,

Йовхо а йийхира жимма,

Амма хьо схьахьаьжир соьга...

ТIехвелира юххешха шийла.