Your browser doesn’t support HTML5
Ахматова Раиса. Паччахь ю со хIинца...
Паччахь ю со хIинца
Ахматова Раиса
Паччахь ю со хIинца. Шорта ду хьал а,
Дуьненан хазалла - ерриг сан ю.
Вола сан хIусаме - ахпаччахьалла,
Ахь дехахь, и хьуна ас дIалур ду.
Ахь ехахь - дIалур ю аренаш, хьаннаш,
ХIаваэхь тохкур ду ас хьуна тIеш.
Лелачу некъашка, кузашка яржош,
Тосур ю стиглара кIеда мархаш.
Ахь дехнарг дерриг а дIалур ду хьуна,
Седарчий хорханаш езахь лур ю.
Сел боккха ницкъ болчу ирсечу суна
Хьо а ишшта ирс долуш ган луур ду.
Дехахьа... ХIинца а ца хьа хьуна -
Хьан безам буйла и ницкъ белларг хьуна?!