Оьрсийчура Iедалхойн берашна кхечу пачхьалкхашкахь дешар доьхкучу низаман проект дIакхачийна Пачхьалкхан Думе. Цуьнан автор ву коммунист Рашкин Валерий.
Цу проектаца а догIуш, нагахь цунах низам хилахь, 2017-чу шеран Дечкен-беттан 1-чу дийнахь дуьйна Iедалан белхахойн, шайна юкъахь муниципалан Iедалхой а болуш, аьтто хир бац шайн бераш махкал арахьа школашка а, лаккхарчу дешаран меттигашка а деша бахийта.
Цу документана тIехь чIагIдеш ду Iедало къаьсттина дехка деза иза пачхьалкхан компанийн топ-менеджершна бохург.
И дехкар хьакхалур дац кхечу пачхьалкхийн университетийн Оьрсийчохь йолчу филиалех. Кхечу пачхьалкхашкахь деша бакъо хир ю цигахь балхахь болчу Iедалан белхахойн доьзалийн.