ПIераскандийнахь Оьрсийчоьнан президентан Путин Владимиран хIора шарахь дIахьош хуьлучу пресс-конференцехь дакъалецира цхьа эзар ах эзхар гергга журналисташа. 3 сахьтехь 50 минотехь хиллачу къамелехь Путин кхиира 62 хаттарна жоп дала, яздо «Интерфакс» агенталло. Дахначу шарахь хIоттийна пресс-конференци 3 сахьтехь 10 минотехь лаьттира, журналистийн 47 хаттарна жоп а луш.
Ткъа уггар яхъелла пресс-конференци 2008-чу шарахь хилира. 4 сахьтехь 40 минотехь журналисташца хиллачу диалогехь 100 гергга хаттарна жоп дала кхиира хIетахь Путин Владимир.