Your browser doesn’t support HTML5
ШарIан Iилманан доктор Шишани Фейруз йоккхае ша бинчу харжамах
Зудчун метиг пеша хьалха ю, шен кхерч лелор ду цуьнан декхар бохуш, бусулба юкъараллехь шена эшамаш бешшехь, къар ца луш, оцу гурашкара а бевлла, Iилма толлу зударша божарийн могIаршкахь.
Оццу юкъанна историкаша бакъдо, Малхбузерчу зударийл а хьалха буьйлабелла бусулба зударий Iилма Iамо а, талла а бохуш.
ЮНЕСКО-н статистикан институто арахецначу артиклехь далийна цуьнан тоьшаллаш.
Нохчийн зударшлахь дуьххьара ШарIа Iилманан доктор Шишани Фейруз, Урдуне
Масала, тахана бусулба 6 пачхьалкхехь Iилма Iамочу зударийн терахь лаккхара ду Iамеркарчу хьолаца дуьстича.
Царлахь ю Бахрейн, Бруней, Кыргыстан, Ливан, Туркойчоь, Катар. Боккха кхиам а, дозалла а хета мегар ду Урдунехь еха, дуьххьара зуда, Iилманча, ШарIа Iилман доктор Шишани Фейруз орамашца вайн махкара хиларна.
Маршо Радион аьтто хилира вайн махкахо лаха а лехна, цуьнца зIе дIатаса.
Хеттарш дуккха а дара тхан-м, амма дерриг а цхьана программехь дийца таро а ца хилла, шина декъе даьккхи ас сайн Iилманчаца деана къамел.
Шишани Фейруз шен дешархочуьнца
Маршо Радиона хазахета Iилманчаца Шишани Фейрузца гергарло тасаделла а, кхи дIа юкъарло дIакхехьа барт хилла а.
ТIейогIучу хенахь вайн кхи а хир ду Фейрузе хетта а, дийцийта а. Ларъе программа.