Your browser doesn’t support HTML5
Тимбулатов Мовсар. Ломахь суьйре
Ломахь суьйре
Сарралц дой хихкина,
гIелъелла мархаш,
Ламанийн белшаш тIе тийжа.
Лаьхьанах хьирчина дуьненан архаш,
Суьйренан боданехь зийза.
Анайист яхчош ю
стигланан пхьалгIахь,
Цаьпцалгийн мукъам ца хеда.
Олхазарш сихделла баннаш чукхалха,
Схьакхеташ бу Садов седа.
Ламанийн даккъашкахь
дIалечкъаш, батто,
Керчабо гIунжара бIаьргаш, –
Шен метта дIахIотта
ца хIуттуш лаьтта,
Бузучу малхах а кхаьрдаш.