Your browser doesn’t support HTML5
Юрт тIаьхьаелхош
ДIакхачалуш ду де а, малхехь даьгна,
ДIо регIа Iенош Iожах богу бос.
ДIаюхуш йолчу пхьоьхано, вайх хьаьгна,
Вайн уьйр-марзонаш доьзалшна чухьо.
Ткъа вай-м юха а хIокху пхьоьханера
ДIагуллур ду вайх цхьаннан хIусаме.
И гIиллакх цIера ду вайн жималлера –
ДIасацадовлар, пхьуьйре екъна бен.
Ткъа кхана-м, вайна малх а гIийла гIоттуш,
ДIахедар беца пхьоьхане цхьа некъ:
Юрт шена тIаьхьайоьлху тезет хIоттош,
Вайх цхьамма бийр бу тховса тешнабехк.