Мосул гIала яьккхинчул тIаьхьа цигахь карийначу нохчийн берах видео яржийна Иракъан эскарша. 4 шо долу Тагиров Билал ву иза, "Исламан пачхьалкх" шех олучу тобанах 2015-чу шарахь дIакхеттачу Тагиров Хьасанан воI.
Болчу хаамашца, беран ненахой АшахановгIар Соьлжа-ГIалин Пригород олучу юьртахь бехаш бу. Дехой Ведана кIоштара бу цIера.
Иракъан пачхьалкхан эскархойн кара и кIант кхачарх видео ю Интернетехь лелаш. Нохчийн Урдунерчу диаспоран хьосташа чIагIдо и кIант нохчийн хилар.
И хаамаш бина "Кавказ.Реалии" портале Урдунерчу нохчех схьаваьллачу политико Бено Самиха.
Шен болчу ницкъашца и жима кIант Урдуне сехьаваккха гIерта и политик.