Шелковск кIоштахь Къоман гварди юкъарчу 6791 тIеман декъехь маса топ йиттина эскархо верна бехке лорург ву взводан буьйранча ДегIастанара Гаджиев Марат. И юххера вевзачу, цуьнца юкъаметтигаш лелийначу накъосташа Маршо Радиога дийцарехь, цуьнца харцонаш лелийна оцу тIеман декъан командир ву герзаца юкъаметтиг къастаян и эпсар карзахваьккхинарг.
Цара чIагIдарца, хIусамнана тIеман декъехь дIатарьян таро йоллушехь, чоь ца луш, массо кепара дуьхьалонаш еш, Гаджиевца харцонаш лелош, и лахван гIерташ чекхваьлла и командир. Белхан накъосташа дийцарехь, цуьнан Iалашо хилла оцу командирна тIекхачар, шена гергахь цунна бекхам бар. И сацо гIиртинарш бу цо байинарш.
Оццу накъосташа хадам боллуш билгалдоккху, Гаджиев Марат маларх кхеташ цахилар а, вийначул тIаьхьа, командир бехках хьалхаваккхархьама цуьнан бага къаркъа доьттина хилар а.