Нохчийчоьнан парламентан спикеро Даудов Мохьмада шен Инстаграмера аккаунт дIакъовлу ша аьлла, мехкан куьйгалхочун агIонаш схьаеллалц.
"Iамеркан Цхьанатоьхначу Штатийн цIарахчу Дуьненан йилбазо юха а гайтина шен гIоразалла. Оьрсийчоьнан пачхьалкхан интересаш ларъечу Кадыров коьртехь волчу жимачу Нохчийчоьно мел боккха кхерам тесна, мехкан куьйгалхочун Инстаграмерчу агIонна блок тоххал. ХIун эр ду ас? ХIуммаъ, велар доцург, кхи дуьсуш хIуммаъ дац сан. Боккъал а аьлча, доккха дозалла до ас сайн лидерх, сайн къомах, дуьненаюкъарчу историн муьрехь даймехкан сий лардечу къийсамехь авангардехь нисдаларна", - аьлла Даудов Мохьмада.
Нохчийчоьнан а, Оьрсийчоьнан а мостагIашка бойкот кхайкхайо ша аьлла спикеро.