Your browser doesn’t support HTML5
Юсупов Iилман. Иллин беснаш
Юсупов Iилман
ИЛЛИН БЕСНАШ
(сонет)
Хазахетар деъча цхьаьннан керта,
Цига хьо ас кIайнчу басахь дош.
Хир дуй хууш и массарна товш,
Кхин совгIаташ леха со-м ца гIерта.
Амма беъча цхьаьннан уьйтIа бохам,
Кхин а чехка эцца кхочу со.
Ас Iаьржачу дашца кадамбо,
Сайн доIанца човхош кхиэлан тохам.
Iаьржа, кIайн и дешнаш дIасакхоьхьуш,
Илли, васт ас дохадой-те хьан?
Сан йиш яц хьо кхечу басахь ган,
ГIенах, самах даго дуьхьал оьхьуш...
Де-буьйсанан ши бос хьоьца хилча,
Цхьа а вац хьо хетар долуш ирча...