Толамхочун къайле

Толамхочун къайле

Толамхочун къайле

Цкъа цхьа жима самурайн бIо кIелонна тIе нисбелла.
Я йийсаре баха, я хIаллакьхила бен – кхин къастам боцуш. БIаьхой йиш йоьхна бисна.

ТIаккха баьчча хьалха а ваьлла: «Вай иштта барт бо. Кхаж тосу вай: нагахь аьрзу долу агIо йожахь – вай тIом бо. Нагахь важа агIо йожахь – йийсаре доьлху».

Хьалакхоьссина цо ахча. СадеIар а тийна ладоьгIуш хилла массо а. Ахча охьадоьжча, баьччин гIоьнчас схьаэцна дIагайтина и – аьрзу долу агIо хилла йоьжнарг.

ТIаме баьккхийна баьччас шен бIо. Толамца дирзина и тасадалар.
Кхано, баьччига ахча дIалуш, тидам хилла гIоьнчин, и аьрзу шина а агIор хилар.

ГОЧ журналатIера дийцар - https://www.magzter.com/preview/17013/278459

Гочдинарг Петирова ПетIамат