85 шаре ваьлла яздархо Войнович Владимир велла аьлла, фейсбукерчу шен агIон тIехь яздина журналисто Давыдов Виктора. Цо чIагIдарехь, даге лазар иккхина кхелхина иза.
1932-чу шарахь Душанбехь вина вара Войнович Владимир.
Нохчийчуьрчу тIамна ша дуьхьал хилар хоуьйтуш кехатна куьгяздинера цо 2003-чу шарахь, ткъа 2015-чу шарахь Оьрсийчоьнан президенте Путин Владимире кхайкхамбира, Украинан эскархо Савченко Надежда дIахецар доьхуш.
Кху шеран Стигалкъекъа-баттахь кхечу културин гIуллакххошца цхьана Петарбухахь йоьдучу форумехь кхайкхамбира набахтехь мацалла кхайкхина украинхойн режиссер Сенцов Олег дIахеца аьлла.