Оьрсийчоьнан а, Украинин а юкъаметтигашкахь хила безаш боцу хийцамаш хилла, ткъа ша "лууш вац царах цхьана а кепара хьакхавала" аьлла, Iамеркан президенто Трамп Доналда, "Iамеркан аз" корпорацин Буэнос-Айресехь волчу корреспондентана интервью луш. Трамп дакъалоцуш ву Аргентинин коьртачу гIалахь дIаьйоьдучу G-20 саммитехь.
Украиница хилларг бахьана долуш, цуьнан хIорда кеманашца а, хIорда эскархошца а хилларг тидаме а оьцуш, цу саммитехь дакъалоцучу Путин Владимирца цхьаьнакхета аьтто боцу хан ю, амма ша цуьнца цхьаьнакхетар ву, кхечу хенахь, бохуш вара Iамеркан президент.
Трампа шена ца хаьа элира Путинан дагахь дерг, Оьрсийчоьнан президент хIун дан гIерташ ву Украинехь аьлла, шега хаттар дича.
- Цуьнан ойланаш еша аьтто бац сан. Цхьаьнге а ца ешало уьш. Цунна хаьа хир ду шена оьшург. Амма вай, хIумма а ца деш, хоьжуш Iойла дац цу хиламашка", - элира Трампа.
Оьрсийчоьнца а, Китайца а, кхечу пачхьалкхашка а дика юкъаметтигаш хила еза Iамеркан, бохуш вара иза.
Из первых рук. Дональд Трамп о Путине и Украине: "Мы не можем позволить случиться определенным вещам. Но это случилось. И я просто не могу участвовать в этом" - https://t.co/PORzL2ovjo pic.twitter.com/G4CfkrUExp
— Радио Свобода (@SvobodaRadio) November 30, 2018