"Исламан пачхьалкх" шех олучу тобан векалш ду шаьш бохучу наха Шемахь зударий-джихIадхой кIелхьарабохуш яьккхина видео гайтина шинаридийнахь Францин France 24 телеканало.
Хьиджаб тиллина, карахь бер долчу зудчо ша Казахстанера ю олу. Цул совнах, тIеман барзакъ доьхначу стага зударшна паспорташ дIасалуш гойтуш ду видео тIехь. "ГIиргIазойчоь" аьлла, къаьсташ тIехь яздина паспорт (ID-card) ду гойтуш документашлахь. И зуда дуьненчу яьлла шо а ду гойтуш: 1989 шо.
Rencontre avec une française, sortie du dernier bastion tenu par l%27 #étatislamique en #Syrie. Super boulot de Mayssa Awad @JamesAndreF24 @romeolanglois ▶️▶️▶️@France24_fr https://t.co/P3Dqbegf9G via @YouTube
— Stéphane Bernstein (@StephaneF24) January 29, 2019
Репортажан авторша къамел до Францера Шема яхначу цхьана зудчуьнца. Францехь дин лело хала дара шена, цундела "халифат" хIоттон гIертачарех дIакхеттера ша боху цо. Амма шена моьттург ца хиллера боху цо "Исламан пачхьалкх", Шема шаьш дахкарна дукхахболу зударий дохкобевлла аьлла, билгалдоккхуш.
Францин пачхьалкхан телеканал ю France 24. Компанин коьрта офис Парижехь куп тоьхна ю, ткъа трансляци дIахьо цара Iарбойн, ингалсан, испанхойн, францхойн меттанашкахь.