UFC-н чемпионо Нурмагомедов Хьабиба жоп делла ирландхочо МакГрегор Конора, шена зуда а, дин а сийсаздан а гIерташ, Твиттерерчу аккаунтехь хIоттийначу постна, яздо "Советский спорт" хьостано.
"Хьо шалхо лелориг ву, хьайн дешнех а, хьайгара даьллачух а жоп ца луш. Амма хьо кхелах вер ву бохург, бакъ дац. Кхечун дин аьшнашдеш, хьо кхерамзаллехь ву моьттуш хьо велахь, галваьлла хьо", - яздина Нурмагомедовс Твиттерехь.
Rapist, you are Rapist.You are a hypocrite who is not responsible for your actions. Justice will find you.We will see.@TheNotoriousMMA pic.twitter.com/317rLK5TVN
— khabib nurmagomedov (@TeamKhabib) April 3, 2019
ММА юкъара ша дIавоьдуш ву аьлла, МакГрегора байначу беттан 26-чохь хаамбича, Дагестанерчу латархочо эмгараллечу зудчуьнца дуьстира цуьнан дIахьедар. И цатайначу Ирландин спортхочо: "Чувак, хьан хIусамнана – гата ду", - яздинера, Нурмагомедовн шен юьхь къевлинчу зудчуьнца даьккхина сурт а хIоттош.
ТIаьхьо Твиттерера шен пост дIаяьккхина хилла Макгрегора, делахь а тергамза ца дитинера цуьнан йоза Junkie MMA-с а, "Лента.ру" хьостано а.
Еаридийнахь МакГрегор Конора керла хаамбина Твиттерехь, ша спорте юхавогIуш хиларх. "Кеп-кепарчу динашлахь болчу сайн фанаташца цхьаьна кхи дIа а гIур ву со. Массеран а религино дика хилар хьоьху вайна. Дуьне массарна а цхьаъ ду. Октагонехь гур ду вай", - яздина Твиттерехь МакГрегора.
I want to move forward, with my fans of all faiths and all backgrounds. All faiths challenge us to be our best selves.It is one world and one for all ❤️ Now see you in the Octagon.
— Conor McGregor (@TheNotoriousMMA) April 4, 2019