КIирандийнан буьйсанна Москвара Самаре даха новкъадаьлла Sukhoi Superjet 100 (SSJ 100) кема Шереметьево юхадирзина. Flightradar сервисо Iораяьккхина цунах информаци. Владимир гIала кхочучу заманчохь кIегардеана кема. Официалехь хиллачу инцидентех и кема долчу "Аэрофлот" компанино дуьйцуш дац.
Самаран онлайн- таблон хаамашца, SU 1206 рейс а юкъахъяьккхина. Ишта ца гIаьттина Iуьйранна ялхолгIачух ах даьлча Самарера Москва даха деза SU 1207 кема а. Пилотийн гонаха хIо хиладезачу хьолехь цахиларна Шереметьево юхадеана "Суперджет" кема аьлла, хаамбина "Интерфаксо".
Кху беттан 5-чохь Шереметьевохь, 41 стаг а леш, "Суперджет"100 кема даьгначул тIаьхьа Оьрсийчоьнан урхалло ханна дозанаш ца туьйхира оцу кепарчу кеманашна гIийтта. Делахь а "Аэрофлот" компанино шен лаамехь юкъахйоху рейсаш. ТIаьххьарчу цхьана кIиранчохь компанино ца гIаттийтина 50 гергга кема.