Украина йозуш йоцу пачхьалкх хиллачу денна хьажийна мероприятеш хилла Киевехь. ГIалин юккъехь Крещатик урамехь "Сийнан марш" дIаяьхьна, тIеман техника дакъалоуш а йоцуш. Ткъа Донбассехь тIемаш бинчу наха дIаяьхьна альтернативан "Мохк ларбархойн марш".
Шен вистхиларехь президенто Зеленский Владимира багарбира йоцуш йоцуш йолчу шерашкахь Украинехь хилла кхиамаш. Цо юьстина Украина ненаца, ткъа ГIирма а, Донбасс а цуьнан бераш ду аьлла цо, лулахочо дIадаьхна долу.
Зеленскийн къамелехь дацара "агрессор" а, "Оьрсийчоь" а дешнаш, билгалдоккху Маршо Радион корреспонденто. Церемонехь дакъалоцуш бара Украинин хилла президенташ Кравчук Леонид а, Кучма Леонид а, Ющенко Виктор а. Зеленскина харжамашкахь эшна хилла президент Порошенко Пётр ца веанера "Сийнан марше".
Украина йозуш йоцу пачхьалкх хилла 1991-чу шарахь Марсхьокху-беттан 24-хь. Цу дийнахь 28 шо хьалха УССР Лаккхарчу Кхеташоно сацам бира дIакъаста Советан пачхьалкхах.
Ткъа цул цхьа шо хьалха, 1990-чу шарахь Товбеца-беттан 6-хь, Украинехь тIеийцира маршонан Деклараци. Цундела дуккха а Украинин махкахой тешна бу шайн пачхьалкх йозуш йоцуш йолу 29 шо кхаьчна бохучух.