Яралиев Юсуп. Некъан амал

Яралиев Юсуп. Некъан амал

Яралиев Юсуп
Некъан амал

Некъ — иза накъост ву,
Хьекъале накъост,
Хьанна хӀун накъост ву
Амалца къастош.
Стаг велахь тешаме,
Некъо и лоьру.
Стаг велахь хьекъале,
Вонах ца кхоьру.
ЮьхьӀаьржа хӀутту некъ –
Некъо и боху —
Шен голатухийлехь
Лечкъинехь бохам.
ДогъӀаьржа адам гахь,
Тарло и боха.
Харцо и елахь а,
Хаьа сатоха.
Ямартло гайтинехь,
Кхачалой хьекъал,
Некъ хуьлу гӀайгӀане,
Сагатдо некъо.
Некъана догцӀена
Некъахо веза.
Некъан ирс догцӀена
Волчунна къиэжа.