Your browser doesn’t support HTML5
Рашидов Шаид. Ца тешаш чIагIонех хьо ела къежа…
Рашидов Шаид
Ца тешаш чIагIонех хьо ела къежа…
Ца тешаш чIагIонех хьо ела къежа,
Беснеш а лечкъайо. Хета къиза.
Ткъа аьлча: "Вовшеха вай къаста деза!"
БIаьргаш хьан хих дузу. ХIун ду иза?
ХIилланаш ца оьшу шинна а юккъехь,
Там лехар эрна ду безам бацахь.
Мила ву шалхонаш лелош верг юххехь?
Юкъ йохош болчеран бан а бац мах.
Вовшашна девза вай, лулахь а деха.
Дай-наной шиннен а оьзда хилла.
Хьенан хIун дара хьоьх я ала соьх?
Делахь а дегнаш чу йижна чилла.
***