Your browser doesn’t support HTML5
ГIажарийчоьно шен тIеман базанашна ракеташ тохарна жоп кечдеш ю Америка
Америко куьйгалла дечу коалицин эскархой дIатарбинчу Иракъерчу тIеман шина базина ГIажарийчоьно тохарш динчул тIаьхьа, ша лелор долчун тIехь болх беш ю Цхьаьнатоьхна Штаташ, хаам бо Американ аз зорбан гIирсо.
Президенто Трамп Доналда дIахьедар дина шинарийн дийнахь, "дерриг а дика ду" аьлла. Цо иштта хаам бина хIоьттинчу хьолах лаьцна вистхир ву кхаарийн Iуьйранна аьлла (Америкера хенаца).
«Дерриг а дика ду. ГIажарийчуьра ракеташ хецнера Иракъера шина базина. Карарчу хенахь мах хадош бу дина зе муха ду хьожуш. Дерриг а дIадоьдуш ду лортIехь. Ас дIахьедар дийр ду кхана Iуьйранна", - яздина Трампа Твиттерехь.
All is well! Missiles launched from Iran at two military bases located in Iraq. Assessment of casualties & damages taking place now. So far, so good! We have the most powerful and well equipped military anywhere in the world, by far! I will be making a statement tomorrow morning.
— Donald J. Trump (@realDonaldTrump) 8 января 2020 г.
ГIажарийчоьно дIахьедар дина шаьш ракеташ хецна хиларх лаьцна, дIадаханчу кIиранах Цхьаьнатоьхначу Штаташа гIажарийн тIеман командир Сулеймани Касем верна жоп луш.
Американ эскархой дIатарбина Аль-Асад олу хIаваан тIеман ницкъийн база а, Эрбилера тIеман база а ю шинарийн дийнахь ракеташ тоьхарг. CNN телекомпанино бинчу хаамца, аль-Асад база йолчу агIор хецнера лаххара а 10 ракета. Reuters агенталлан хьастано дIахьедар дина цхьа а хаам бац цигахь цхьаъ вийна я йохийна хиларх лаьцна аьлла.
🚨 #فوری| انتقام سخت به وقوع پیوست/ برخی منابع خبر از شلیک موشکهای بالستیک ایرانی به سمت پایگاه عینالاسد در عراق که محل استقرار نیروهای آمریکایی است، میدهند. pic.twitter.com/qbfPYmFXri
— خبرگزاری فارس (@FarsNews_Agency) January 7, 2020
🎥 «انتقام سخت» آغاز شد/ حملات سنگین موشکی سپاه به پایگاه آمریکایی عینالاسد pic.twitter.com/sbw0cwGH6B
— خبرگزاری فارس (@FarsNews_Agency) January 7, 2020
Цул тIаьхьа дукха хан ялале оццу Reuters агенталло, Al-Mayadeen телеканалана тIе а тевжаш, хаам бира оццу базина юха а ракеташ тоьхна хиларх лаьцна. Цхьаболчу хаамашца, цуьнан территорина тIе охьайоьжна лаххара а 7 ракета.
Цул тIаьхьа Reuters агенталло хаам бира, «Тасним» хаамийн агенталлана тIе а тевжаш, шолгIа а ракеташ етта йолийна хиларх лаьцна Иракъехь йолчу Американ тIеман базанашна.
ГIажарийчоьнан пачхьалкхан телеканало дийцарехь Исламан революцин гIаролхойн корпусо "иттаннаш ракеташ тоьхна Иракъерчу Американ Айн аль-Асад базина".
Американ тIеман министран юкъараллица зIе латтон гIоьнчо Хоффман Джонатана бинчу хаамца, суьйранна КIайн ЦIийнехь кхеташо дIаяьхьна, дакъалоцуш пачхьалкхан секретарь Помпео Майк а, Пентагонан куьйгалхо Эспер Марк а волуш.