Шоьтадийнахь Гамбургехь акци дIаяьхьна меттигерчу бахархоша, Туркойчоьнан а, Грецин а дозанерчу мухIажиршна тIехIуттуш. Акци вовшахтоьхначу дуьненаюкъарчу Seebrücke боламан декъашхой тешна бу, кху деношкахь туркойн-желтойн доза а хадийна, Европе кхача гIерта мигранташ Евроберто а, Германин а, Гамбурган Iедалхоша а тIелоцур бу аьлла, яздо Deutsche Welle хьостано.
https://t.co/ock7KdVKlh #WirHabenPlatz #OpenBorders #freepassage #FortressEurope #Greece
— Seebrücke Lüneburg (@SeebruckeL) March 7, 2020
Seebrücke боламан векалшна хетарехь, Гамбургехь дуккха а паргIат меттигаш бу, Шемахь шайн тховкIелонех бевлла нах дIатарбан.
Гамбурган полицин зерашца, 3900 демонстрантхо хилла цу дийнахь араваьлла. Ткъа акци вовшахтоьхначара дIахьедина, верриг а 5 эзар хир вара аьлла.
Туркойн президенто ЭрдогIан Реджепа байначу беттан 29-чохь элира, Шемара кхелхина богIучу нахана Европе кхача дозанаш шаьш схьадиллина аьлла.