Нохчийчоьнан куьйгалхо Кадыров Рамзан хилла COVID-19 цамгарх нах чубехкинчу Соьлж-ГIаларчу №4 йолчу клиникан хIусамехь.
Хьалхо Москварчу Коммунарке вахча, Оьрсийчоьнан президентана Путин Владимирна санна, уьнах Iалашвен духар тIе а доьхна, гайтина Кадыров.
Оьрсийчохь массо а регионийн куьйгалхойл хьалха ша жоп лучу Нохчийчохь дозанаш дIакъевлира Кадыровс. И сацам шога емалбира Оьрсийчоьнан премьер-министро Мишустин Михаила, амма иза бисира хийцам боцуш.
Kadyrov in a hazmat suit (allegedly). 🔥 pic.twitter.com/umOCyOYzJg
— Mike Eckel (@Mike_Eckel) April 20, 2020
ДIадахначу кIиранах Кадыров социалан машанашкахула къовсаме велира Нохчийчуьрчу дарбан хIусамашкахь нах уьнах ларбен гIирс ца тоьу, вирусна дуьхьоло еш юкъабаьхначу барамаша адаман бакъонаш а талхойо, аьлла, артикл арахецначу «Керлачу газетица». Цул тIаьхьа редакцино шен сайта тIера дIаяьккхира юьйцу артикл.
ТIаьххьара болчу хаамашца, коронавирусан ун кхетта ву Нохчийчохь 264 стаг, велла 5, кхин а 1033 вахархо карантинехь ву, ткъа 19 товелла.