ХIинжа-ГIаларчу дарбан хIусаме виллина хилла Нурмагомедов Iабдулманап, вевзаш волчу латархочун UFC чемпионан Нурмагомедов Хьабибан да, Москварчу лоьрашна тIекхачийна, хаам бо РИА "Дагестан" агенталло.
10 де дара Нурмагомедов-воккхахниг пехийн лазарца ХIинжа-ГIаларчу дарбан №2 хIусаме виллина.
"Стигалкъекъа-беттан 3-чохь соьга цуьнан уллерчу гергарчо хаийтира, цунна цIеххьана вон хилла, аьлла. Кеманца Москва кхачийна иза. Суна хетарехь, дагца проблема ю цуьнан", - аьлла Олимпан категорин латархойн реферис, НурмагомедовгIеран доьзалца хьошаллехь волчу Османов Iубайдуллас.
Оьрсийчоьнан Лараме тренер ву 57 шо долу Нурмагомедов Iабдулманап.
КХИН А ХЬАЖА: Карантинан раж ларъяр дехна НурмагомедовсХьалхо Нурмагомедов Хьабиба кхайкхам баржийра дагестанхошка, коронавирусан пандемица долу хьал бегаше дац, изоляцин хьелаш лардан деза, аьлла.