Ясмина – Шемара майра журналист

ТIамца къийсаяла ша зуда ю, шен карахь дац иза эшор, аьлла ца Iаш, кара видеокамера а эцна, пхи шо хьалха Шемара, шен даймахкара, ирча хьал дуьненна гайта йолаелира 28 шо долу Бидо Якин. Иза божарийн болх бу, цуьнца зуда ларайойла дац, олура цуьнга юьхьанца коллегаша-божарша. Амма яьржаш яра Якинин видеорепортажаш, бIаьрг бузура цара махкахойн а, генарчу хьовсархойн а. Доьналла гойтучу журналисташна луш йолу дуьненаюкъара преми елла цунна дукха хан йоццуш.