Оьрсийчоьнан актер Ефремов Михаил юкъахь а волуш хиллачу некъан бохамехь лазийнарг велла дарбан цIийнехь, яздо ТАСС агенталло. Инцидент ма хилли дIалаьцна Ефремов медицинан экспертизех чекхваккха вигнера. ТIаьхьо гучудаларца, актер маларх кхетта хилла аьлла, хаам бина Москварчу полицин пресс-гIуллакххойн куьйгалхочо Васенин Владимира. ДIасавалар а дихкина, цIа вахийтина Ефремов, аьлла, тIечIагIдина ТАСС агенталллана ницкъаллийн структурашкарчу церан хьасташа.
— Вы выпили?— Да…Эксклюзивное видео RT с Михаилом Ефремовым после ДТП на Смоленской площади в Москве pic.twitter.com/3ztDwZEEvT
— RT на русском (@RT_russian) June 8, 2020
Полицино бехкзуламан гIуллакх диллинера Ефремовна дуьхьал некъан низамаш дохорца доьзна, амма цуьнан карах чевнаш йинарг кхелхинчул тIаьхьа, шогачу артиклехь бехк кховдийна цуьнга. Набахтехь даккха 12 шо хан кхачайо цунна оцу артиклехь.
Карладоккху, некъан бохам Iоттабеллера оршотан суьйранна Смоленскан майданахь. Интернетехь Iораяьккхинчу видео тIехь гуш ду, Ефремовс урхалла деш хилла Джипп духьал лелачу машенийн асане а йолий, "Лада" жимачу машенан фургонах кхеташ.
⚡️Из-за ДТП на Смоленской площади перекрыта внешняя сторона Садового кольца. На месте работают оперативные службы. Движение осуществляется по полосе встречного направления. По возможности объезжайте. pic.twitter.com/4SFSSAtoZi
— ЦОДД (@gucodd) June 8, 2020
Цу чохь хилла 67 шо долу Захаров Сергей Склифософскийн цIарахчу дарбан хIусаме кхачийнера чолхечу хьолехь. Оьрсийчоьнан зорбан гIирсаша яздарехь, юург дIасакхохьучу компанехь курьеран болх беш хиллера иза.