Къилбаседа Кавказан тIеман кхело набахтехь даккха ши шо кхайкхийна 24 шо долчу ГIалгIайчоьнан яхархочунна Евлоева Жарадатна терриризм къобалъярна.
Талламан версица, 2015-чу шарахь Евлоевас социалан машане пост хIоттийра, Францерчу Charlie Hebdo журналан редакцина дина тIелатар къобалдеш. Юкъараллехула нах терроре кхайкхарна бехкейина иза, хаам бо "Кавказский узел" ресурсо кхелан пресс-векалтанна тIе а тевжаш.
Бехктакхам къастабе хан чекхъяларца доьзна, таIзарх хьалха йоккхуш, цаяхийтина кхело Евлоева.
- 2015-чу шеран Iай Францехь вежарий Куаши СаIид а, Шериф а тIелетира Charlie Hebdo журналан редакцина, цо Мухьаммад Пайхамарна карикатураш яхкарна, вийра 12 стаг.
-