Your browser doesn’t support HTML5
Хасаров ШаIрани. ХIинца яц хьо хьалха санна...
****
ХIинца яц хьо хьалха санна.
Хийцаелла. Хьоьжу тIех.
ХIун хили-те цу хьан дагна
ТIех хьаьгнилий хиъча шех?
БIаьсте хаза-м дера яра
Заза Iенош, къарзбеш бай,
Iамош вовшех дагадийла,
Вовшийн деза Iамош вай.
Шелйи ахь сан деган аре,
Мархаш тIехьа саций малх,
ХIинццалц чехка лелла бIаьсте
Боларна а гIелйи ахь.
Хила соьца хьалха санна.
Сан хьал юха дерзаде.
Хазде синтем боцчу дагна
Беттан буьйса, маьлхан де.
1977ш.