Нальчик гIалин кхело Гацалов Артур а, Темукаев Тамерлан а бехкевина бераца иккхина конфликт бахьанехь школерчу хьехархочунна еттарна, хаам баржийна "Интерфаксо".
Шинна а тоьхна цIахь такха ши шо.
Нальчикерчу №2 лицейн дешархочунний, хьехархочунний юкъа конфликт юьйлира Лахьан-баттахь. Дешархочо арздина хилла шен девешига Гацалов Артуре.
КХИН А ХЬАЖА: Куьг кIамделла хьехархо а, дов лоьху дешархо а...Талламан версица, лицей веъначу Гацаловс а, цуьнан накъоста Темукаевс а классера аракхайкхина хьехархо. Цхьаммо еттачу юкъанна, шолгIачо лаьцна латтийна иза, тоьхна масийттазза.
Ткъа Гацаловс а, Темукаевс а дечу тоьшаллица, директорца "къамел дан" вахана иза шиъ, амма цига чуиккхинчу хьехархочо Мальбаховс травмат-тапча йиттина, патармаш кхачийча урс а доккхуш.
Дов дирзина шиъ лазорца – тIелеттарг а (цунна тапча кхетта), Мальбахов а. Хьехархо чевнашца дарбан хIусаме кхаьчна.