Оьрсийчоьнан президентанна гергахь Башкирин векал, оцу мехкан премьер-министран гIовс хIоттийна Дагестанера нохчо, ФСБ-н инарла-майор Ханалиев Iумарпаша.
Шайн мехкан министрийн кабинетна керла векал вовзуьйтуш, Башкирин куьйгалхочо Хабиров Радийс билгалдаьккхира, Ханалиевн Москварчу шайн векалтехь хийцамаш бийр бу, аьлла. Оцу хьокъехь хаам бина РБК-но.
Ханалиев Iумар-Паша ФСБ-н инарла-майор лаьттина ву, «Оьрсийчоьнан Турпал» цIе елла цунна, дакъалаьцна Нохчийчуьрчу шина а тIамехь.
КХИН А ХЬАЖА: 22 шо даьлла президент Дудаев ЖовхIар кхелхинаОфициалехь йоцчу информацица, турпалхочун цIе цунна елла 1996-чу шарахь Нохчийчоьнан Ичкерин президент Дудаев ЖовхIар вуьйш жигара дакъалацарна.