Владимиран кIоштан Покров гIаларчу №2 колонехь латточу оппозиционеро Навальный Алексейс кхеле белла оцу учрежденин куьйгалхой. Политико дийцарехь, цуьнан бахьана ду шена еша книгаш луш ца хилар, ша аьлча бусалба наха сийлахь лору Къуръан цадалар.
КХИН А ХЬАЖА: "Левада": 29% Оьрсийчуьрчу бахархоша харцо лору Навальныйна дина таIзарОцунах лаьцна Навальныйс хаам бина шен инстаграмерчу агIонехь. Оппозиционера чIагIдо, ша чувоьллина латточура Къуръан а, Пайхамаран Сунна а Iамо а, царах кхета а дагахь вара ша бохуш.
"Со кхуза цхьа бутт хаьлха веъна, сайца дуккха а книгаш еъна ас. Уьш сайга схьалахьара аьлла дехнера ас. Амма хIинца а цхьа а ца елла соьга. ХIунда аьлча уьш ерш а талла езаш ю, экстремизм ю-яц къастош, шайна юкъахь Къуръан а долуш. "Экстремизм хила мегаш хиларна талла" уьш езарна ца ло. Иза дан оьшур бу кхо бутт", - аьлла ду Навальныйн постехь.
Политика чIагIдо, колонин белхахой талла дагахь хиларх лаьцна хIора книга, шайна юкъахь Къуръан а цхьаьна. Навальныйс дийцарехь, цхьа бутт а бу иза оцу хьокъехь дийцарш дIахьуш волу, книгаш йоьхуш.
КХИН А ХЬАЖА: Оьрсийчоьнна дуьхьал санкцеш кхин а тIе чIагIъярехьа ву Европарламентан куьйгалхочоХьалхо хаам баьржнера, колонин администраци кхерамаш туьйсуш ю мацалла хьоьгуш волу цхьа кIира а долчу Навальныйна, шаьш цунна нуцкъала кхача баар бу бохуш.
- Навальный лецира, шена "Новичок" дIовш деллачул тIаьхьа Германехь дарба а дайтина, цIакхоччушехь. Москварчу Симоновскийн кхело цунна 2013-чу шарахь цIахь такха тоьхна хан набахтин хьесапе яьккхина Оьрсийчоьнан таIзарш кхочушдаран урхаллин (ФСИН) дехарца.
- Урхалло оппозиционер бехкевира кхело кхайкхийна хилла хьелаш лар ца дарна, амма Навальныйс иза харцдо. Европан адамийн бакъонашкахула йолчу кхело Оьрсийчоьнна тIедожийна, цуьнан аьрзнаш кхелийн инстанцешкахь листина довллалц, иза мукъавитар.