Нохчийчуьра ца яьллачу денна еана мухIажар хиларе терра, пачхьалкхан бахаман сертификат лучийн тептаре яккхар доьхуш меттигерчу яхархочо Дзариева Розас чуйелла иск кълбалйина ГIалгIайчуьра Малгобекан гIалин кхело.
ГIалгIайчоьнан арахьарчу зIенийн а, къоман политикан а, зорбанан а, информацин а министралле чукхачийнера иск.
ГIуллакхан материалаша гойту, Нохчийчохь хьалхара тIом балале Нохчийчохь ехаш хилла Дзариева, цул тIаьхьа тIемаш буьйлабелча ГIалгIайчу дIайаха декхаре хиларх. Ца яьллачу денна иза мухIажар хиларх тоьшаллин кехат делира цунна.
МВД-н миграцин гIуллакхашкахула йолчу урхалло кхелехь хаамбира, мухIажарна а, цуьнан доьзална а чохь Iен хIусам йелла яц, Нохчийчохь йоьхначу хIусамах а, бахамах а ахча а делла дац, иштта керла гIишло эца ГIалгIайчохь а субсиди ца кхачийна аьлла.
ХIетте а, Дзартиевана дуьхьало йина хиллера 2022-чу щарахь вовшахтоьхначу тептара юкъаяхийта, къоман политикан министралло бахьана ду боху цуьнца рагI а, хIусам яларе сатуьйсучу, оцу тептарера кхечу бахархойн бакъонаш а йохорца.
Делахь а Нохчийчуьра мухIажаран министраллана дина тIедахкарш кхочушдайта тIелаьцна кхело, тIедожийна иза 2022-чу шеран вовшахтоьхначу тептаре язйар пачхьалкхан бахаман сертификат далийта. Иштта Iедалхоша лара деза цуьнан доьзалхой а.
- 2020-чу шеран аьхка Магасера майданахь полицино дIасалаьхкира, 1994-чу шарахь Нохчийчуьра тIамах бевдда баьхкинчу гIалгIайн гулам. Низамехь мухIажаршна санна шайна догIург схьадолуьйтуш гIо доьхуш, мехкан урхалхочуьнга яздинчу кехаатна бухахь куьйгаш яздан гулбелла хиллера уьш.
- 2015-чу шарахь биъ бIе гергга мухIажарийн доьзалш юкъара бехира хIусам лучийн тептарера. Баккхий доьзалш болу наной бара царлахь, къаной, заьIапхой. ГIалгIайчоьнан Iедалхойн лараршца, 2020-чу шеран юьххьехь хIусамаш кхачийра 1262 мухIажарийн доьзалашна. Оцу хенахь рагI ларйеш бара Нохчийчьура кхин а 481 доьзал.
- Оьрсийчоьнан президенте Путин Владимире бевлира ГIалгIайчохь беха Нохчийчуьра кхелхина баьхкинарш. 2015-чу шарахь кхелхинчех долчу низамехь хийцамаш а бина, пачхьалкхо царна хIусамаш латтон жоьпалла шайна тIера дIадаьккхира, дийцира бакъонашларйархоша.
- Нохчийчохь хьалхара тIом боьдучу хенахь Нохчийчуьра шайн хIусамаш дIа а тесна, ГIалгIайчохь дIатарбала дезначу 30 сов стага чукхачийна иск Магасерчу кхело юхатеттира. ХIетахь дуьйна кхин аьтто ца хуьлуш, шайна хIусамаш йоьхуш лела и нах. Iедалхойн биэндацар къуьйсура мухIажарша, ГIалгIайчоьнан бахаман фондан тептаре шаьш яздар тIедожийра, низамашкахь шайна йогIу гIишло пачхьалкхе схьайалийта.